ZALEN Sept. 14, 2024; Zawlnuam Bawrai veng a Vanlalngheta buh, ṭin hnih leh a chanve hmun chu zan khat thil thu-ah Sazu rualin an ei zawh sak vek.

Zawlnuam Bawrai VC hruaitute hnen atanga ZALEN thudawn danin, Vanlalngheta te lo awmna hi Zawlnuam atanga km 6 vel, lo bing a ni a, September ni 10, 2024 zan khan Sazu rual hian an lo a buh te hi an ei sak a ni.

Thudawnna ten an sawi danin, Sazu rual hian lo dang pawh an khawih nual a, an khaw thenawm Bungthuam lamah pawh hetianga Sazu chetna hi a thleng ni a sawi a ni.

Zawlnuam Bawrai VC hruaitute chuan Sazu in a beih lo neitute dinhmun chu Zawlnuam RD block a BDO office lamah thlen a ni tawh tih an sawi a, Sazu rual hian an kuhva kung/zik an bei chhunzawm ang tih chu tun dinhmuna an hlauhthawn a ni tih an sawi.