Aizawl: Comptroller and Auditor General of India (CAG) Report in a tarlan danin School Education Department, Mizoram hnuaia State Council of Educational Research and Training (SCERT) in computer table leh chair set 1540 a lei chu a man pangngai aia Rs nuai 30.80 a to in a lei a. Hmanrua te hi Information & Communication Technology (ICT) in Schools scheme hnuaia lei a ni. CAG report-a a lan dan chuan October ni 20, 2012 a tihchhuah tender chhangtu supplier in a chhanna ah computer table leh chair set khat man chu Rs 3000 a ni a, set 1540 man chu Rs nuai 46.20 tur a ni. Hetih lai hian CAG in Office of the Director, SCERT record a zirchiannaah chuan Rs nuai 77-a lei a ni a, a man dik tak tur a khumna chu Rs nuai 30.80 lai a ni. Information & Communication Technology in Schools scheme hi Ministry of Human Resource Development hnuaia School Education and Literacy leh State/UT sorkar te \angkawpin an kalpui a ni. He scheme in a tum ber chu sawrkar school leh government aided school te computer hmanga zirna \ha lehzual pek a ni a, he scheme atana sum mamawh chu sawrkar laipuiin zaa sawmkua (90%) tumin state sawrkarin zaa sawm (10%) a tum a ni.