Aizawl: Zirlaiten Scholarship an dilna ah Aadhar Card ngai ngei ngei tura sawrkar laipuiin a tih chu Mizoram sawrkar ngenna angin Mizoram bik chu awl (exempt) a ni. Zirtawpni khan New Delhi-ah “Workshop On National Scholarship Portal-II” India ram puma Scholarship khawih tute meeting neih a ni a, meeting ah hian Mizoram Scholarship Board a thawk tute chu an Secretary JH.Zoremthanga hovin an tel a. He meeting ah hian Mizoram scholarship board a thawk tute chuan zirlai ten scholarship an dilna a adhaar card ngai ngei ngei chungchang thlenin, Mizoramah adhaar card nei an la tlem thu te, adhaar card scholarship dil nan a compulsory a tel anih chuan Mizoram ah zirlai dil tur an tlem thute leh scholarship dil nana adhaar card Mizoram state tan bik awl (exempt) mai turin an ngen a, Ministry of Minority lam chuan lo ngai pawimawh in Mizoram State tan bik kum 2016 chhung atan scholarship dil nan adhaar card ngai lovin zirlaiten scholarship hi an dil thei dawn ta a ni. MZP chuan zirlai scholarship diltu te tana Scholarship dilna a adhaar card ngai ngei ngei (mandatory) a lo tih tawh Mizoram Chief Minister Lal Thanhawla leh Mizoram Scholarship Board a thawktute hmalakna avanga kumin chhung bik atana zirlaiten scholarship an dilna a Adhaar card a ngailo tur chu lawmawm an tih thu an sawi.