ZALEN July 19, 2026: Tunlai hian post matric scholarship sum chu zirlaite account-ah a lut mek a, harsatna dang a awm loh chuan tun thla chhung hian a luh kim vek beisei a ni.

ZALEN-in Mizoram Scholarship Board thawktute hnen atanga thu a dawn danin sum thun hi central lam tih anih avangin eng zat nge lut tawh a, mi eng zatin nge la dawng lo tih chiang takin an hre mai thei lo tih an sawi.

“Kan hriat dan chuan pawisa hi zirlaite account-ah a lut mawlh mawlh niin kan hria a, hetih lai hian la dawng lo pawh an awm mai thei a. Harsatna dang a awm anih loh chuan tun thla chhung hi chuan a luh kim vek kan beisei a ni,” an ti.

Hetih lai hian zirlai scholarship dil zingah mahni Bank Account leh Aadhar thlunzawm (seed) lo bakah hun rei tak account khawih che lo chuan harsatna an tawk thei tih an sawi bawk.

Mizoram zirlaite tana post matric scholarship sum hi sawrkar laipui atangin Rs. nuai 40,775 chu June 23, 2026 khan dawn a ni a, Mizoram sawrkar tum ve tur nen a vaiin nuai 5000 chuang deuh pek chhuah a ni dawn a. Scholarship dil hi mi 32852 an awm nia thudawn a ni. Post matric scholarship dilna hun hi July 1, 2026 khan hawn atan a niin October 30, 2026 thleng khan thehluh theih a ni.