ZALEN October 7, 2024 : Aam Aadmi Party Mizoram chuan Vawiin atanga neih tan Aizawl District Secondary School Sports 2024 a tel tur te chu District Education Officer Office chuan naupang tin te sports contribution atan Cheng 20 pe vek turin hriattirna a chhuah an ti.

District Education Officer, Aizawl District hian September 30, 2024 khan sikul tina Principals leh Headmasters te chu October 7-11 chhung hian Aizawl Districts Seconadary School Sports 2024 chu neih tur a nih hriattirna a chhuah a, DEO Aizawl huam chhunga HiGh School zawng zawngte kim taka tel vek tura hriattir an ni a, Sport Contribution pawh school tinin, naupang pakhatah Cheng 20 thawh vek turin a hriattir bawk a ni.

AAP chuan he sports neih tur hi School Education Department-in sikul calender a siam, December 19, 2023 a chhuah-ah a awm thlap a ni, an ti. Zirlaite sportns-na tur sawrkar buatsaihaah zirlaite atanga pawisa khawn a ngai chu hriatthiam har an tih thu an sawi.

Co-curriculart activities Mizoram chhunga zirlai zawng zawng tel theihna sports buatsaihna khawp pawisa (Budget) a dah thei lo hi AAP chuan runthlak an ti a, sports hlawtlnna tur indaih lohna nu leh pa te atanga khawn ngai hi kan sawrkarin zirna a ngaihpawimawh lohzia ti langtu leh mipui zawhlohna lian tak a ni, an ti.

Contribution hi October 4, 2024 khan thehluh kim turin DEO, Aizawl hian hriattirnaah hian an tarlang bawk a ni.