ZALEN, July 22, 2026: Central YMA President R.Lalngheta chu Nilaini tlai a pisa kai haw lam Ngaizel pheiah a scooter khalhah chesualin a ban vei lam bul ball joint (ban inzawmna) a keh a, zanah zai nghal tura ruahman a ni.

R.Lalngheta hi Central YMA Pisa a kai haw lam niin a chetsual hun hi tlai dar 3:15 vel niin an awmna, Hlimen Branch YMA secretary chuan ZALEN a hrilh.

Trinity Hospital, Silaimualah enkawl mek niin a na hi X-ray a ni a, doctor-in Proximal Humerus Fracture (ban bul ball joint keh) a ni tih finfiah a ni tawh.

Zanah emergency-a zai turin inbuatsaih nghal a ni a, an kilh khawm ang a, thir an phum dawn nia sawi a ni a. A ban vei lam a tihche thei lo va, chet a harsat deuh avangin chanchin ziah lai thleng hi chuan nawrlirha nawr a ngai a ni.

R.Lalngheta hi tun thla tir khan Trinity Hospital-ah vek hian a lung lam in-check-in a lo lut tawh bawk.