ZALEN Oct. 18, 2024; Nizan dar 8 bawr vel khan Nl. Lalropuii (42), Khatla chu scooty chesualah a boral.

ZALEN thudawn danin, Nl. Lalropuii hi a pa pension thil buaipuiin nimin khan West Phaileng an kal a, chumi an rawn haw lam chu nizan dar 8 bawr vel khan Phunchawng, pioneer camp bula an hma a tlan truck an tlan pelhna lamah vanduaina hi a tawk a ni.

Nl. Lalropuii hi scooty hnunga chuang niin, truck an tlan pel tur chu kawng khuar an dai a, lung an chil bawk nen an tlu a, truck hian Lalropuii hi a lu ah a chil palh zui ta nia thudawn niin, ka pawh chhawn loin a boral nghal a, scooty khalhtu (mipa) erawhin vanneihthlak takin hliam a tuar lo thung.

Nl. Lalropuii hi nizan khan tlaivarpui niin, vawiin chawhnu dar 1-ah Khatla East Kohhran Hall-ah vui a ni ang.