ZALEN Sept. 25, 2025 : Department of Zoology, Pachhunga University College chuan thuchhuah siamin Scrub Typhus Outbreak thlen a hlauhawm tih an tarlanga, mitin te fimkhur turin an ngen.

Mipui fumkhur tura ngenna thuchah an tihchhuaha an tarlan danin, Mizoram hmun hrang hrangah Sazu puang leh buh an ei nasat thu te, tur hmanga hrai tur a nih thu news-ah te a lo lang a. Pachhunga University College a zir chiangtute leh khawvelin a zir chiannaa tarlan anih dan chuan, Sazu te hian natna an pu darh thin a, a bik takin Mizoramah rannung seh (Scrub typhus) natna a pu darh thin.

Buh ei tu sazu, tur a hrai, thang awk, leh silai/sairawkherh leh a dangte hmanga suat-te kut lawnga khawih lo tur leh kan thuamhnaw a sazu hrik a kai lohna tura fimkhur turin kan inchah mawlh mawlh a ni, tiin an thuchahah an tarlang.