Golden State Warriors ten NBA title humhim turin an khelh hmasak berah Los Angeles Lakers chu 123-109 in an hneh a, an star player Stephen Curry chuan point 33 zet a score. 

All-Star a tum riat zet lang tawh Curry, kum 34 mi chuan a khel tha hle a, Andrew Wiggins pawhin point 20 a score ve bawk.

Warriors hian season 9 kalta chhung khan nomawi pali an chawi tawh a, a pangana tur an beisei leh mek a ni. 

LeBron James hian tun season-ah Kareem Abdul-Jabbar-a all-time point score-in a record khum a beisei hle a ni. 

Warriors hi an champion nomawi humhim tura beisei an ni a, off-season hautak tak hmachhawnin an head coach Steve Kerr chuan tun hnaia Draymond Green leh Jordan Poole te inhmachhawn chu kum sawm dawn chhunga a team hmachhawn hautak ber a nih thu a sawi.