October 3, 2023; MNF party in candidate an tifel tawh a, MLA nilai seat chang lo langsar zingah Speaker Lalrinliana a tel dawn niin a lang.

Thuthar thehdarhtute zawhna chhangin Lalrinliana Sailo chuan, a bial Chalfilh ah seat a chan loh chhan a hre lo tih a sawi a, MNF in ticket pe leh se Chalfilh bial ah a tlin leh ngei a ring a ti.

Tun dinhmunah MNF ah awm zel ala tum niin a sawi a, politics ah erawh thil thleng theilo a awmlo tih sawiin thian hlun leh hmelma hlun an awmlo niin a sawi.

Tun inthlanpuiah MNF an tlin a rin leh rinloh chungchang zawhna chhangin Speaker chuan, ropui lai taka inngaih laiin tlak a awm a, tlinga inngaih lai takin tlakpui kum te pawh a thleng thei tih a sawi bawk.

Lalrinliana Sailo chuan tun dinhmunah party dang atanga din tumna emaw, independent a din tumna chungchang ala ngaihtuah loh thu a sawi a, party dang atanga sawmna te chu dawng ve thin mahse helam lam hawi zawngin ngaihtuahna ala hmang ngailo niin a sawi.