Aizawl, 17 March 2022; RD minister Lalruatkima chuan SEDP chu dinchhuah pui a, hmasawn pui turin mipuite an beisei tih sawiin, a thlawna dawngah inngai lo turin an chah.

March ni 17, 2022, Ningani a Aizawl West II bial chhung MLA fund hmanga lei puanthui khawl semna hun, Dinthar YMA Hall a hmanah he thu hi sawiin, sawrkar flagship programme SEDP chak taka buaipui mek a nih thu a sawi a, "SEDP-ah hian in theihna zawng, intuina zawng, in thiamna zawng in lo thlang dawn a nia, SEDP hi dinchhuah pui a, hmasawn pui turin mipuite kan beisei a, a thlawna dawngah inngai lo turin kan chah a ni," a ti.

RD Minister chuan, "Kan sorkar hma boruak han thlir kirin zu zawrh avangin kan rum a, kan tap a, tunah chuan a lo reh ta a, sikul tan hun tih tlai a ni ta a, kawngchhia avanga kan rumna a lo ziaawm ta a, gas harsa a lo reh ta a. Pathianin he sorkar hi min pe a, hmasawnna nasa tak kan hmu mek zel a ni," ti bawkin, "Hripui leng a kiam ta mek a, hmasawnna chi hrang hrang a nih tur angin a ni leh dawn ta niin a lang a, a lawmawm hle a ni," a ti bawk.