Aizawl April 6, 2023 : Vawiin khan Mizoram State Planning Board Vice Chairman H. Rammawi hovin SEDP Family Oriented thawhhnihna (Phase II) kalpui dan tur Aijal Club-ah sawiho a ni.

Mizoram Sawrkar Flagship Programme SEDP thawhhnihna atan hian chhungkua 60000 hnenah tanpuina pek a ni dawn a, sem mai turin hmalak a ni. SEDP Family Oriented Programme thawhhnihna hi Mizoram State E-Governance Society (MSeGS) te nena tangrualin online-a kalpui tum a ni. Vawiin meeting ah hian MSeGS te chuan presentation an pe nghal a ni.

H. Rammawi, Vice Chairman, Mizoram State Planning Board hova thutkhawmna ah hian Lalmalsawma Pachuau, Secretary, Planning Department ; Dr Lalrinchhana, Principal Adviser, Planning Department te bakah Line Department hotute an tel a, District tin DC te pawh an tel a, a hmuna kal hman lo te chu online-in meeting ah hian an tel a ni.