October 12, 2023; MNF Sr. Vice president Dy. Chief minister ni bawk Tawnluian an party flagship programme, SEDP an pe chhunzawm zel dawn tih a puang a, SEDP chu vote zawnna a ni lo tih a sawi.

An party office Mizo Hnam Run a thuthar thehdarhtute vawiin a a kawmna-ah Tawnluia chuan, MNF in sawrkarna an chang chhunzawm a nih chuan SEDP dawngte'n Rs. Nuai 3 an dawn tlin hma chuan pek chhunzawm zel a ni dawn a, project a zirin Rs. Nuai 3 aia tam pawh dawn theih a ni dawn tih a sawi.

SEDP chu chhungkaw thleng phakin sem chhoh mek a ni tih sawi bawkin, chu chu inthlan dawn a anlo intiam tawhna a ni tih a sawi.

Tawnluia sawi danin, SEDP 1st phase ah chhungkaw sing 6 te chu Rs. Sing 5 theuh pek an ni tawh a, chumi atan chuan Rs. Vbc. 300 senral a ni, 2nd phase ah chhungkaw sing 6 bawk hnenah Rs. 25,000 pek tawh an ni a, chumi atan chuan Rs. Vbc. 150 sen a ni.

A thawh 3 na 3rd phase ah chhungkaw sing 6 tho target in selection neih mek a nih laiin inthlan puanhnan a ni a, hemi vang hian family oriented SEDP pek hi a khaihlak a ni.

SEDP an kalpui chu vote zawnna a ni lo tih Tawnluia chuan sawiin, 2018 election hma a an duan, mipuite chawikanna a tana an duan a ni tih a sawi.