Flushing Meadows, New York-a US Open khelh mekah tennis star ropui a chak loh hun huna tennis chawlhsan tum Serena Williams chuan seeded pahnihna Anett Kontaveit a hneh vangin a inkhel kan la hmu chhunzawm dawn. 

Thla thara kum 41 thling mai tawh tur Serena Williams hi tunah raking 605 daih a ni a, mahse tennis a la reng a ni tih leh a la tar loh zia lan tirin US Open khelh meka champion tura rin kai, seeded pahnihna Anett Kontaveit chu 7-6 (7-4) 2-6 6-2 in Estonian, New York-ah a hneh.

American hian a lo sawi lawk tawh angin, an rama tournament lian ber a kelh mekah hian a tlak hun hunah inkhelh chawlhsan a tum a, mahse tunah la chak rihin third round a in vaw kai. Zirtawpni khian Williams hian Australian Ajla Tomljanovic a hmachhawn leh ang.

He inkhelhah hian hun rei tak world number one lo ni tawh inkhel bul a tha lutuk lo chungin set khatna a la thei hram a, set hnihnaah phei chuan Kontaveit-i'n a la chiang hle a, deciding-ah hneh takin Williams-i hian a la let leh thung.