Aizawl: Higher & Technical Education Minister Dr R.Lalthangliana leh EF&CC Minister TJ Lalnuntluanga te chuan Union Minister for Environment, Forest & Climate Change Bhupender Yadav hmu in Mizoram tana Environmental Clearance pe theitu State Level Environmental Impact Assessment Authority (SEIAA) din thar thuai turin an ngen.

Minister pahnih te hian Zirtawpni kalta khan Union Minister hi hmu in July 18, 2022 a tawp tawh State Level Environmental Impact Assessment Authority chu a body thar din (constitute) thuai turin an ngen a. SEIAA Body awm loh avang hian kawngpui laih, mining /stone quarry leh a dangte tan Environmental Clearance pekchhuah kawngah harsatna lian tak Mizoram State chuan a tawh mek thu an thlen a. Hei bakah hian Lengpui hmuna National Institute of Technology (NIT) sak mek, Forest Clearance neih loh vanga tihtawp lailawk avanga harsatna chungchang thu an thlen bawk a ni.

Dr. R. Lalthangliana hian ZMC Administrative Block, cheng vaibelchhe 103 senga sak zawh tak hawng turin Union Health Minister Dr. Mansukh Mandaviya a sawm bawk.