All Mizoram Inter-Village Band Contest 'SEKI' 2022 chu nizan khan Vanapa Hall-ah final neih a ni a, result puan nghal a ni lo thung. Final-ah hian Open Category leh Under 19 top 5 ten intihsiak an hmachhawn a, July 7 & 8 zan hian result puan leh concert neih leh tur a ni.  
 
Inter Village Band Contest SEKI season 2 final boruak hi a hot hle a, a hmunah rock music ngainatu mi thahnem tak an fuan khawm. Intihsiak boruak a tang tha a, chhimtu mipui an awm hle hle thei lo a ni ber. Band tha ber ber te an nih tawh avangin an thiam tlang hle a, winner tur pawh rinthiam a harsa hle. Judge te pawh awm hmuan thu hle hle thei lo - Vanapa Hall chhung chu a sukin a su dup dup a ni ber! 

July 7 & 8 zan hian Vanapa Hall-ah bawk result puanna neih a ni leh dawn a, zaithiam tak takte nen concert an nei ang. A hmunah ticket lei tur a awm dawn bakah, LPS lamah pay per view a tih theih dawn bawk. Result puan zan hian Mizo band tha ber ber - Shai Hills, Avora Recors leh The Prophets te an inlan dawn a, SEKI season 1 winner Ramhlun South LC te an perform dawn bawk. 

Mimal zaithiam inlan tur an awm nual bawk a, Francis, G'nie leh Hriatrengi Lailak bakah, Benjamin Sum leh Mami Varte te pawh zai tur zingah an tel.