All Mizoram Inter-Village Band Contest 'SEKI' 2022 result puan zan khatna chu zanin khan neih a ni a, Under 19 category-ah Dinthar Local Council te an thiam ber. Open category result hi naktuk zanah puan a ni dawn thung a, concert an awm leh bawk ang. 

SEKI 2022-ah hian Under 19 bikah Dinthar LC te hi pakhatna an ni a, 25000 + citation + trophy an dawng a ni - an thiam zia sawi nawn a ngai lo. Pahnihna hi Chhinga Veng LC te an ni a, anni pawh hi winner ni thei kawpin an che tha mahse vanduai zawkah an tang. Ramhlun South LC te chu pathumna an ni a, pahnihna leh pathumna te hian Rs. 15,000 + citation leh Rs. 10,000+ citation an dawng a ni - top 3-a lang band te that zia hmuh hmaih chi a ni lo.  

Under 19 bikah hian mimal lawmman hrang hrang sem nghal a ni a, Dinthar LC bawk an langsar. Best Vocalist hi Fedric Lalthanpuia a ni a, Best Drummer atan Lalfammima thlan a ni bawk - anni hi Dinthar LC a mi ve vete an ni. Ramthar Veng LC te top 3-ah lang pha lo mah se mimal lawmman pahnih an humhaw a, talent an neih that zia a lang. 

Mimal lawmman latute :
Best Vocalist - Fedric Lalthanpuia, Dinthar LC
Best Guitarist - Joseph Lalchhandama, Ramthar Veng LC
Best Bassist - C. Lalruatfela, Ramhlun South LC
Best Drummer - Lalfamkima, Dinthar LC
Best Keyboardist - Manase Lalrohlua, Ramthar Veng LC