Forbes chuan 'America’s Richest Self-Made Women' list 2022 a tichhuak a, kum 34 mi Rihanna chu 'self-made billionaire' ni thei naupang ber a ni. Rihanna hian a pumpuiah 21-na a hauh phak bawk a, Kylie Jenner pawh 'self-made millionaire' ni thei naupang ber a la ni fan. 

'America’s Richest Self-Made Women' list-ah hian kum 75 mi Diane Hendricks chuan dinhmun sang ber a luah a, sumdawng hausa tawntaw niin 12.2 billion zet nei anga chhut a ni. Healthcare software hmanga hausa Judy Faulkner ($6.7billion) chu pahnihna niin, Judy Love ($5.2billion) chu pathumna a ni thung. Kim Kardashian ($1.8 billion) pawh list-ah hian a chuang ve vang bawk. 

'Self-made billionaire' naupang ber Rihanna hian music industry atangin sum thahnem tak a lalut a, hei bakah hian a sumdawnna atangin sum a thawkchhuak hnem hle bawk. A hausakna hi $1.4 billion lai a ni a, a cosmetic line Fenty Beauty bakah Savage x Fenty lingerie line-ah share 30% a nei nia tarlan a ni. 

Billionaire kai pha lo zingah Kylie Jenner ($600 million) chu millionaire ni thei naupang ber a ni a, Taylor Swift ($570 million), Beyoncé ($450 million), Reese Witherspoon ($430 million), Serena Williams ($260 million), Sandra Bullock ($225 million), Madonna ($575 million) leh Kris Jenner ($230 million) te chu an langsar viau bawk.