DOWNLOAD OUR APP

Read latest news on your phone
app-store

Sena MLA hel ten ‘Shiv Sena Balasabeb’ hming invuah

Jun 26, 2022

Eknath Shinde-a kaihhruai, Maharashtra-a Shiv Sena MLA rual, an party laka hela inkulh hrang mekte chuan an pawl hmingah ‘Shiv Sena Balasaheb’ tih an invuah thar a. Hetih lai hian Uddhav Thackeray-a kaihhruai Shiv Sena chuan state assembly member an nihna atanga hnawl an nih nan an bei mek zel. 

Eknath Shinde-a kaihhruai, Maharashtra-a Shiv Sena MLA rual, an party laka hela inkulh hrang mekte chuan an pawl hmingah ‘Shiv Sena Balasaheb’ tih an invuah thar a. Hetih lai hian Uddhav Thackeray-a kaihhruai Sena chuan state assembly member an nihna atanga hnawl an nih theih nan an bei mek zel. 

“Shiv Sena Balasaheb tiin kan invuah a, eng party mah kan zawm dawn lo,” tiin an zinga mi, Deepak Kesarkar chuan a sawi.

Shinde-a leh a lamtangte hi an state-a Thackeray-a kaihhruai Sena executive meeting chuan an chungthu an ngaihtuah mek a. Party dang pahnih nena tanghova Maha Vikas Aghadi sorkar an din mek pawh ngaihtuah telin an MLA 38 zet Guwahati-a an inkulh hian a tibuai hle.  

Zirtawpni khan helho hian speaker nihna chelh mektu, Narhari Zirwal hnenah Shinde chu assembly-a an leader atan an thlang tih an hrilh a. Independent MLA pahnihin an thlawp thu leh Sena-in MLA hel zinga 16-te MLA nihna hnawl tura rawtna pawmtu, Zirwal-a pawh an rintawk leh tawk loh buk turin an ti nghal.

Sena MLA helte hi koh kir an nih loh chuan sorkar a tluk phah ngei rin a ni.

Share now