Serchhip khuain concert buatsaih an zawngchhang a, July 29, 2022 khian Rebecca Lallawmsangi  hoin lai chhuat an chhir leh dawn. Jaui hoin concert an nei zo deuh chauh a, Football Club Serchhip Kawnpui (FCSK) ten concert hi an buatsaih ve leh dawn a ni. 

Rebecca Lallawmsangi hi Serchhip Auditorium-ah a concert dawn a, guest artist atan tun lai zaithiam lar Saiwanah Sailo biak fel a ni tawh bawk - a pui dawn e! Saiwanah Sailo hi tun lai thalaite duh rawn a ni a, a boruak a lian viau a nih pawhin a mak lo ang. 'Kan Khua' hitmaker Rebecca Lallawmsangi leh Saiwanah Sailo te hian tun hnai khan hla thar an tichhuak dun a, an boruak len lai takin concert an nei zui sak dawn a ni.