Aizawl: Mizoram MLA inthlan neih zawh takah Serchhip district ah vote a tla tha ber a, vote tla hi chawhrualin 84.78% a tla a ni.

Chhinchhiahna atanga a lan danin vote thlak zingah mipa aiin hmeichhia an tam zawk a. Mizorama voters 852088 zinga mipa 687334 in vote an thlak a, hmeichhe vote thlak zat hi 356707 nia chhinchhiah a niin a percentage a lakin mipa 80.04% leh hmeichhia 81.25% in vote an thlak a ni.

District hrang hranga vote tlak dan chu Mamit district-ah 84.65%, Kolasib district-ah 82.95%, Aizawl district-ah 77.83%, Saitual district-ah 80.80%, Khawzawl district-ah 82.40%, Champhai district-ah 79.92%, Serchhip district-ah 84.78%, Hnahthial district-ah 84.19%, Lunglei district-ah 83.68%, Lawngtlai district-ah 80.58%, Siaha district-ah 77.03% te a ni a. Mizoram puma vote tla chu 80.66% niin hei hi postal ballot leh home voting chhiar anih hun chuan a la danglam leh thei a ni.

Vote tlak thatna ber bial chu Thorang A/C niin a pumpuia chhutin 88.32% a tla a, a tlak chhiatna ber Aizawl East II ah chuan 75.46% a tla a ni. South Tuipui biala Aithur leh Lungpuitlang P/S ah te chuan vote hi 100% a tla a ni.