August 3, 2023; Mizoram sawrkarin Dampa Tiger reserve zauhna tur atana a rin luh Serhmun khua ah tun thlengin chhungkaw 12 inbengbel an la awm a, zangnadawmna chungchangah an lungawilohna High Court ah thlenin, thubuai a awm mek.

ZALEN thudawn danin, Serhmun khua a la khawsa te hi Mizoram sawrkarin chhungkaw pakhat tan cheng nuai 10 zangnadawmna a pek la duh lo (an ram hlutna phu lo nia hria) te an ni. Serhmun khua ah hian school a awm tawh lo a, Village Council pawh thiah vek tawh niin, YMA erawh tha takin an la kal a, current lamah pawh harsatna lutuk an tawk lo. Naupang 6, school kal rual an awm a, chung naupangte chuan an khaw thenawm, Bunghmun ah zirna an chhunzawm.

Mamit district chhung a awm, Mizo Pasaltha hmingthang, Taitesena chen thinna leh a thlan awmna, Serhmun khua hi kum 1926 a din niin, Mizoram sawrkarin Dampa Tiger reserve zauhna tur atana a ruahman tirh, kum 2009 ah khan in 238 awmin, mihring 900 bawr vel an cheng thin.