Aizawl: Naktip Thawhlehnia neih tan tur Mizoram Legislative Assembly session-a ngaihtuah turin bill pahnih a lut tawh. Assembly-a bill lutte hi ‘The Mizoram Urban Areas Rent Control Bill, 2017' leh ‘The Mizoram Cooperative Societies (Amendment) Bill,2017' te an ni. Session a chhan tur hian zawhna (starred question) 117 dawn a ni tawh a, heng zinga 5 chu hnawl a ni a. Ziaka chhan chi zawhna (unstarred question) 6 dawn tawh a niin paper lay tur 8 a awm tawh bawk. Assembly Speaker hova Business Advisory Committee thukhawm in ruahmanna an siam dan chuan session hi ni thum chhung (November 14-16, 2017) neih a ni ang a. Session tanni ah hian tun hnaia MLA hlui boral mi pahnih Zakhu Hlychho leh F.Lalzuala te sunna hun hman a ni ang.