Aizawl: Zirtawpni khan Speaker Hiphei hovin Business Advisory Committee an thukhawm a, March ni 17,2015 atanganeih tan tur Mizoram Lagislative Assembly session a hun hman dan tur an duang fel a, session hian ni 9 a awh ang . Tun tum session ah hian budget puitling pharh theih a ni dawn lo. Business Advisory Committee in ruahman a a siam dan chuan session tan ni March ni 17 ah Larsap Dr. Aziz Quereshi in house ah thu a sawi ang a, a tuk March ni 18 ah sunna, zawhna leh chhanna bakah Larsap thusawia lawmthu sawina motion sawiho a ni ang. March ni 19 (Ningani) ah Finance Minister in thla 3 chhung pawisa hman tur 'Vote on Account 2015-2016' leh kumhluia sawrkar sum indaihlohna phuhrukna atana sum dilbelhna 'Supplementary Demand for Grants 2014-2015' a pharh ang a, March ni 20 (Zirtawpni) ah private member resolution sawiho a ni ang. Session hi Inrinni leh Pathianni chawlin March ni 23 (Thawhtanni) ah thla 3 chhung Mizoram sum hman tur leh kumhlui sum indaihlohna phuhrukna tur te sawiho a pass tum a ni ang a, March ni 24 leh 25 ah te zawhna leh chhanna bakah sawrkar thil pawimawhte ngaihtuah a ni ang. %%%%%%%%%