Mipa te rilru chawk buai vek thei khawpa nula hmeltha nimahse an nun an uluk lo a, hlimna emaw tiin sex leh ruihhlo-ah an tlana mah se an hlim chhung a rei si lo. Beidawnna khura tlulut hollywood star kum naupangte an nih laia chatuan ram panta te vanduaina tawh hi han chhiar ve teh le.  

Marilyn Monroe
Movie thar pakhat 'The Seven Year Itch leh Some Like It Hot' ah chuan duhawmna a thuam Norma Jeane-i naupan lai, a nun buarchuar duhawm tak si, a hnua hollywood sex symbol ti hiala hriat lar tak nun chu tarlan a ni a, Mahse hei bakah hian a nun chhe lam, a ruihhlo ngawlvei leh hmansual dan chungchang te, a hmangaih zinkawng  buaithlak tak tak te leh harsatna hrang hrang te pawh a pholang tel bawk.

Hollywood star ropui Marilyn-i hi, a lar chhuah hma kum 16 mi chauh a nih laiin pasal a nei der tawh a, mahse an innei rei lem lo thung. Chumi hnu reiloteah chuan Playboy magazine lamah saruak-in a inlan chhoh tan ta a ni. 

Hetih hunlai hian Charlie Chaplin Jr leh Edward G. Robinson Jr te nen an inkawp nia sawi thin a ni a, mahse finfiahna tak erawh a awm lo thung. An pathum hian an threesome hial thin ni te pawn a sawi. US President John F.Kennedy-a’n oral sex neihpui tura a thlem dan thlengin a lailang a, mi tam tak chuan anni pahnih hi hmangaihna lipuiah an pil dun ve zak zak hmanin an ring nghet tlat.

President John F.Kennedy-a bakah hian a unaupa Robert nen pawh inzawmna thuk tak an nei a sawi a awm a, actors Tony Curtis leh Marlon Brando te nen an inkawp bawk.

Marilyn hian baseball star Joe DiMaggio leh playwright Arthur Miller te nen pawh inneih an tum thut thut hmang a, he star ropui hi kum 1962 khan kum 36 mi niin drugs overdose vangin a thi a, tun thlengin a chanchin sawi erawh kan la bang lo a nih hi.

Jayne Mansfield
American star hi Wayward Bus tih film atanga larchhuak a ni a, Hollywood film puitlinga saruak-a inlan hmasa ber a ni bawk. Playboy magazine lamah pawh a inlan zak zak a, mahse advertiser ṭhenkhat tan chuan a sexy deuh mah mah an ti. 

LA mansion-a cheng hian fa panga nei tawh mah se screen-a lan a bansan chuang lo va, sam buang mawi tak nei hi a fing reuh hle a, IQ 149 neiin ṭawng hrang hrang panga zet a thiam a ni. 

Kum 17 mi lek a nihin rai chungin pasal a nei a, a hnuah tum thum zet pasal nei leh mah se a then leh vek. US President John F. Kennedy nen pawha inkawp anga sawi a ni. A hun tawp lamah hian a tal hiar ve hle a, sex-a tuihal setana be pawl te a zawm a, kum 1967 khan kum 34 mi lek niin car chesual-ah a thi. 

Grace Kelly
A lemchan hmun lamah a khawsak fel thin em vanga ‘Ice Queen’ tia vuah hian high society te kianga khawsak rel ve turin showbiz lam a chhuahsan a, kum 1956 khan Prince Rainier of Monaco nen an innei a, a hmingthang phal hle nghe nghe.

Mahse movie a chan ve laia a hun awlah erawh hmangaihna lipu a chen ve nasa hle thung. A mipa kawp zingah Gary Cooper, William Holden leh Bing Crosby nen an khawsa ve nasa thin hle a, Marlon Brando nen khuma an khawsa dun lai pawh man chhuah a ni.

Ram hnuaia film an siam tumin Clark Gable nen an lo khawsa deuh bawk a ni awm e, amah lah chuan,“Clark Gable nen chauh Africa ram hnuai puan in pakhatah kan awm dun a, eng nge tih tur dang awm chuang?” tiin a sawi fel et. Frank Sinatra leh Iran rama Shah te nen pawh sawi zawm niin Kum 1982 khan kum 52 mi niin car chesual-ah a boral. 

Diana Dors
Diana Mary Fluck tia hming thlak ta Diana hi zaithiam leh lemchan thiam tak a ni a, movie hrang hrang Lady Godiva Rides Again leh The Weak and the Wicked-ah te a inlan a, he star hian 3D lehkhabu te a tichhuak a, bikini model ang ten a inlan ve zak zak tawh.

Dennis Hamilton nen inneihna buarchuar tak an nei a, anni pahnih inthen hma hian a pasal hian a pawisa te ru thinin, a vaw thin bawk. Midang pahnih pasalah nei lehin fa pahnih a nei a ni. 

Diana hi film star Rod Steiger nen pawh inzawmna an nei a, a chhe lama a hmingthanna pakhat chu milar khualzinte tana sex party a buatsaih thin kha a ni awm e. 

Amah pawhin a nun dan thin te chu a zep lem lo va,“Ka eizawnna hi sex-a innghat a ni a, mipa hrang hrang kawpin sex leh sum ka hmuh theihna hi ka pan tawp mai thin," a ti. Diana hi kum 1984 khan kum 52 mi niin chi bawm cancer vangin a thi a ni.