DOWNLOAD OUR APP

Read latest news on your phone
app-store

Shakira hla thar a hit, YouTube-ah record a siam

Jan 17, 2023

Colombian singer Shakira chuan Argentinian record producer leh DJ ni bawk Bizarrap thawhpuiin hla thar an rawn chhawpchhuak a, a hit rem rem hle. A hla thuah hian a pasal hlui Gerard Pique nen an inkar pawh a rawn tarlang tel nual a, hei hian ngaihven a hlawh zual tir tih hai rual a ni lo - Latin bikah chuan YouTube-ah entu ngah record a siam hial. 

Colombian singer Shakira chuan Argentinian record producer leh DJ ni bawk Bizarrap thawhpuiin hla thar an rawn chhawpchhuak a, a hit rem rem hle. A hla thuah hian a pasal hlui Gerard Pique nen an inkar pawh a rawn tarlang tel nual a, hei hian ngaihven a hlawh zual tir tih hai rual a ni lo - Latin bikah chuan YouTube-ah entu ngah record a siam hial. 


Kum 45 mi Shakira hian a pasal hlui Gerard Pique hi a kap let sak sak a, an inthen danah a lungawi chiah lo tih a rin theih. Chutih rual chuan Pique leh a tawih thar kum 23 mi Clara Chia Marti te chu duhsakna a hlan bawk a, a rilru tak takin a duh sak em tih erawh hriatthiam a har hle. Shakira hian a pasal hlui hi Ferrari thlak nana Renault thlangah leh Rolex aia Casio thlangah a teh khin kual vel a ni! 


An video hi Bizarrap YouTube channel-ah upload a ni a, darkar 24 chhungin mi maktaduai 63 zetin an en hman a ni - he thu buatsaih lai hian mi mataduai 80 chuangin an view tawh vawk. Tun hi Shakira leh DJ Bizarrap te thawhdun vawi khatna a ni a, an hlawhtling nghal hle. Shakira hi Latin artist ropui - J Balvin, Luis Fonsi leh Daddy Yankee te huangah awmin, YouTube-a record siam thei mi tlemte zingah a hming a chuang ve ta a ni. 


Kum 45 mi Shakira leh Pique (35) te hi kum 10 zet an chen dun hnuah kum 2022 khan an inthen a, an inthen thu hian khawvel a dengchhuak hneh hle a nih kha - fa pahnih an nei. An inthen hnuah thawm an nei zui lo vang vang a, Shakira zawk hian hla thu hmangin boruak a rawn siam ta hat a ni.

Share now