Spanish paparazzi lar Jordi Martin chuan mipui bengverh tak thu a rawn sawi chhuak a, Shakira leh tennis star Rafael Nadal te chu tun hmain an lo in 'date' ve zuai tawh tih a sawi. Gerard Pique nen an inthen hnuah Shakira leh Nadal te inkar hi a sawichhuak chauh - he tih lai hian Gerard Pique erawh a tawih thar Clara Chia nen an inthen leh der tawh!

Jordi Martin hi paparazzi hriat hlawh tak a ni a, Gerard Pique leh Clara Chia te inkar mipui hriata pholangtu pawh kha a mah hi a ni - an thlalak dunna mipui hmuhah a pholang a nih kha. Tun hma lama Colombian singer Shakira leh Nadal te inkar boruak awm pawh hi TV program pakhat 'America Noticias' kaltlangin a rawn sawichhuak a, hming hmerhin sawi lo mah se tennis khel thiam hmingthang Rafael Nadal a ni tih hai rual a ni lo. Jordi Martin chuan Shakira leh Pique te an intawn hma khan Nadal leh Shakira te hi a rukin an in 'date' ngei tih a sawi. 

Hetih hun lai hi kum 2009 chho kha a ni a, video an shoot-na atanga intawng niin a sawi. He tih hun lai hian Shakira hi Spanish singer Alejandro Sanz nen sawizawm an nih lai a ni a, Nadal pawh a nupui ni zui ta Mary Perello nen bul an tan chhoh dawn lai vel niin a sawi bawk. 

Shakira hi World Cup theme song an shoot-na lamah Gerard Pique nen hian an intawng a, an innei zui a nih kha. Nadal leh Perello te pawh October 2019 khan an innei a ni. Shakira leh Gerard Pique te erawh a mipa zawk a lerh avangin an inthen a nih kha.