Aizawl; Nimin khan SHALOM chuan Zemabawk North a an Site Office ah Zemabawk bial mipuite tan a thlawna inentirna Free Clinic an buatsaih a. Hetah hian Civil Hospital atangin Mobile Medical Team tirin doctor leh technician rual mi 13 chuan damlo 300 chuang an en. He program hawnna hun tawi hman a niin SHALOM Director Dr. Chawnglungmuana chuan a kaihruai a. HIV&AIDS lama hmalatu NGO an ni chungin mipuite hriselna kawnga hmalak an ngaih pawimawh thu leh, Zemabawk bialah an Site Office a awm avangin mipuite hriselna lama hmalakna atan he Free Clinic hi buatsaih anih thu a sawi a, khawtlang tlawmngai pawl te nena thawhho hi an ngai pawimawh hle a ni tih a sawi.