ZALEN November 18, 2024 : Vawiin khan Sinlung Hills Council inthlanna a member 12 thlan tlinte chu Aizawl Bawrhsap Pisapui Hall-ah Er. Lalhriatpuia Aizawl Bawrhsap kaihhruaina hnuaiah thu tiam tira lak luh an ni.

Protem Chairman Lalhmingthanga kaihhruaina hnuaiah Chairman leh Dy. Chairman thlan nghal a ni a. Chuhpuitu awm lovin R. Lalfakzuala, Tinghmun bial chu Chairman atan thlantlin a ni. Dy Chairman atan chuhpuitu dang awm lovin Benjamin Lalrawnliana, Zohmun bial chu thlantlin a ni a. Executive Council hetiang hian siamfel nghal a ni bawk.

Chief Executive Member  

Ricky Lalremsanga, Vanbawng bial

Executive Members

1. Melody Lalchhuangzeli, Sakawrdai North bial

2. Lalhmingthanga, Ratu bial

3. Lalhriatchhunga, Sakawrdai South bial

4. Zokhumthanga, Saiphai bial

SHC Election 2024-a thlantlin ten tluang taka sawrkarna siam a, sawrkar thar din a ni ta hi MNF chuan lawmawm a tiin, MNF leh HPC(R) thawhdunna hnuaiah hmasawnna tha tak thlen tur leh, Council huamchhung mipuite hamthatna tura theihtawp chhuah a, thawk zel turin duhsakna a hlan tak meuh a ni.