Manipura an chanchinbu pakhat 'Ukhrul Times' chuan August 4, 2022 khan ShiRock 2022 winner te chuan an lawmman dawn tur Rs. 10 lakhs an la dawng lo tih an tarlang a, social media lamah pawh pawisa pek an la nih loh thu hi a darh bawk. Hetiang boruak karah hian Mizo band tha The Prophets chuan an lawmman dawn tur Rs. 10 lakhs chu an dawn fel tawh thu an puang ve nghal. 

Manipur sawrkar buatsaih festival hi May thla khan neih a ni a, ShiRock hi May 28 khan zawh fel a ni. Shirock winner The Prophets hian ₹10,00,000 cheque an dawng a, mimal lawmman Best keyboardist latu dawn tur pawh ₹25,000 a ni. Hengte hi hlan nghal an ni mai lo a, thla hnih liam hnuah an dawng ve ta chauh a ni. 

The Prophets bakah hian Symphonic Illusions (Meghalaya) te chuan Rs. 5 lakhs an dawng a, 2nd Runner up 1BHK (Manipur) te chuan Rs 2.5 lakhs an dawng ve bawk.