ZALEN, December 24, 2025: Mizoram chhim lam district pahnih, Siaha leh Lawngtlaiah tui hri a leng mek a, district thuneitute chuan fimkhur turin mipui an ngen.

Tui hri leng chungchangah hian Additional Deputy Commissioner, Siaha chuan thuchhuah siamin tunlai hian Siaha district huam chhunga khaw thenkhat - Lomasu, Lodaw, Lopu leh Khaikhy khaw chhungah tui hri nia hriat inkai chhawn awlsam tak natna a leng mek a. He hri hi mihring hriselna leh nunna atan pawh a hlauhawm a, ei leh in thianglim lo leh hmun dang atanga mihring vei vak leh khualzin miten an put darh a ni a, district chhunga mipui mimirte him zawk nan Lomasu, Lodow, Lopu leh Khaikhy ram chhunga international border/Indo Myanmar border-a luh leh chhuah khap tlat a ni tih a sawi a. Thupek zawm lote chu dan anga hrem an ni dawn tih a sawi bawk.

Lawngtlai DC pawhin thuchhuah siamin tunlai hian Lawngtlai district- ah tui hri ni ngei a ngaih natna inkaichhawn theih a leng mek tih hriat a ni a. He hri hi mihring hriselna atan leh nunna atan a pawi thei ni a hriat a ni. He hrileng hi ei leh in thianghlim lo atang leh hmun dang atanga mihring veivak ten an put darh a nih ber avangin, mipui hriselna nghawng thei leh fimkhur a ngaih avangin Lawngtlai district chhunga international border inkalpawhna zawng zawng thu leh awm hma khar vek a ni tih a sawi a. Natna hrik laka inven theih nan kut silfai, tui chhuanso emaw filter tui chauh in turin mipui a ngen bawk.

Thla hlui, November khan Lawngtlai district-a Kakichhuah leh Hruitezawl khuaah tui hri leng vang hian mi paruk an lo thi tawh a ni.