ZALEN December 7, 2024 : Sialhawk Multipurpose Society chuan kut hnathawktute Hmarcha thar chu man to zawka an hralh theih nan 22.11.2024 khan an lilam (Tender) sak a. Society hmalakna avang hian Hmarcha ro hi Rs. 415/kg in hralh a ni a, Ni 28.11.2024 ah lilam (tender) sak lehin Rs. 420/kg in hralh leh a ni.

Sialhawk khua chuan Kum dangah chuan Hmarcha ro hi Rs. 300/kg a ni tlangpui an ti a, Kut hnathawktute Thlai thar leisakna tur rate ZPM sawrkarin a ruahman chu Rs. 350/kg aia tova an hralh thei chu ZPM sawrkar hmalakna a din Society-in rate tha tak maia Kuthnathawktute thlai thar an hralh sak hi Sialhawk a kut hnathawk a eizawngte chuan lawmawm an ti a, ZPM sawrkar chungah an lawm hle tih an sawi.

Sialhawk atanga thudawn danin ZPM sawrkar hmalaknain Multipurpose farming Society hi din a ni a. Society hi kuthnathawk a eizawngte thlai thar hralh chungchang a mawhphurtu tur atana din a ni. Kum 2024 hian Society chuan thlai thar hralh chungchangah hma an la nghal thin a ni.