ZALEN June 03, 2026 : Excise & Narcotics Department leh Central Anti Drugs Squad (CADS), Central YMA thawkdun chuan thawhlehni chhun dar 12:10 khan Sihphir Neihbawi (Sethup Kawn)-ah Heroin gram 971 (Hawng 67) an man. He case-a inhnamhnawih nia puh mi pali leh heroin phurhna lirthei pahnih pawh hrensak nghal an ni.

Heroin hi Zokhawthar atanga an lak, Assam-a tihral an tum mek a ni. Heroin avanga an mante chu Daniel Malsawmdawngliana (47), s/o Lalrinawma (L), Zokhawthar, Champhai; Suwar Uddin Laskar (47) s/o Rafizul Ali Laskar, Rajghat/Bagha, Cachar, Assam; Basir Uddin Laskar (26) s/o Rafizul Ali Laskar, Rajghat/Bagha, Cachar, Assam leh Hifjul Bahar (27) s/o Abu Bakkar, Bhitargool, Karimganj, Assam nia inchhalte an a ni.

 Heroin vanga mante hi Section 21(c) of The Narcotic Drugs & Psychotropic Substances Act, 1985 (NDPS Act) tlawhchhanin thubuai siamsak an ni. 

Mi pali te hi Special Court (NDPS Act), Aizawl District, Aizawl-ah hruai nghal an ni a, Court-ah thiamloh an chang a nih chuan Kum 10 atanga kum 20 Jail tang tur leh pawisa cheng nuai 1 atanga cheng nuai 2 thleng chawi bawk tura hrem theih an ni .