ZALEN Jan 18, 2026: January ni 9, 2026 (Zirawpni)-a Sihphir Neihbawi-a quarry chimin a delh zinga ruang hmuh loh awm chhun Samal Chakma ruang chu nimin chawhnu dar 2:30 velah khan hmuh a ni a, heti hian quarry chimin a delhte ruang chu hmuh kim a ni ta a ni.

Mizo danah Sihphir Neihbawi-a quarry chim hi kar khat a tlin tawh avangin a zawn hna chu Zirtawp zanah khan tihtawp a ni a, hetih rual hian ruang hi zawn chhunzawm zel a ni thung a ni.

Quarry chimin a delh Solen Tudu (38) Jharkhand ruang chu Nilaini (January 14) tlai dar 4:30 ah khan hmuh a lo ni tawh a, hemi zan vek hian Sihphir thlanmuala vui liam nghal a ni.

Sihphir quarry chim hian mi pali a delh a, a chim niah mi pahnih lak chhuah an ni a. Muana, Manipur lam mi chu damdawi in panpui a nih laiin a hliam tuar loin a thi a, pakhat chu damdawi inah enkawl a ni.

#ZalenNews