Aizawl March 20, 2023 : Government of Sikkim atanga ILP Committee member mi pali (4) te chuan Mizoram Inner Line Permit kalphung leh dinhmun zirchiang turin vawiin khan Aizawl an rawn thleng a. Commissioner & Secretary, Home Department in lo dawngsawng a, Home Department officer te leh Aizawl DC aiawh te an tel a ni.

Sikkim atanga rawn kalte hian Sikkim-ah tualchhung mi ni lo, eizawnna leh thil dang avanga lut an thathnem avanga tualchhung mipuiten harsatna an tawk mek tih an sawi. An harsatna tawh te meetingah hian an tarlang a, heng harsatna sukiang tur hian pawn lam mi Sikkima lut tur te zawm tur dan (regulation) siam an duh thu an sawi lang, heng avang hian State hrang hrang zirchianna an nei a ni. Manipur Sawrkar hmalakna an zirchian hnuah Mizoram a ILP kalphung, hman a nih tan dan leh kalpui mek dan te an rawn zirchiang a, Mizoram sawrkar officialte nen sawihona an nei a ni.

Sikkim sawrkar hnuaia ILP Committee memberte hian ILP hmang mek State dang pawh an la zir chhunzawm dawn a ni.