Aizawl: Nimin khan Sihphir Branch YMA buatsaihin Sihphir field ah 'Sikni Eng Kut' hman a ni a, Dy.Speaker leh bialtu ni bawk R.Lalrinawma chuan Kut pa niin a hmanpui. Kut pa chuan Sikni eng kut' chu intihhlimna chauh ni lova thalaite talent phochhuah na platform remchang tak anih bakah hnam nunphung leh khawsakzia pholanna leh humhalhna remchang a nih thu a sawi a. Kut chhimtu te chu midang tana harsatna thlentu ni lova hlimna leh malsawmna thlentu ni zawk tura chahin, "Hlim luata Pathian hriatloh a hlauhawm a ni," a ti. Sikni eng kut ah hian intihhlimna chi hrang hrang zai, chai, hlado chham, cheraw kan, sarlamkai leh costume parade hmangin Mizo incheina hrang hrang pholan a ni.