Aizawl: Assam Rifles leh Custom Department tangrualte chuan August 16, 2018 khan ram dang siam rifle 8 an man.   Assam Rifles leh Custom Department hian a ruka an thudawn bawhzuiin India leh Myanmar inrina, Zokhawthar chhakah operation an nei a. Keno bike-a chuang mi 2 chu nangchingin heng mite hi Myanmar ram lamah tlanchhiat an tum a, an motor cycle leh an ip chu tlansanin Tiau lui kânin Myanmar-ah an lut a. An thil kalsan bag te an han en chian chuan US siam 5.56mm M-16 Rifle pahnih, German siam 7.62mm G-3 Rifle pahnih, Myanmar lam chhuak 5.56mm MA3 assault rifle 4 te lo awmin an man a ni.