October 9, 2023; Lungbun khaw bul Myanmar ramriah dan lova ralthuam che vel a awm thu dawn a nih angin nimin 8.10.2023 tlai dar 2:00 vel khan 30th Assam Rifles leh Siaha Police tangkawp chuan he lai hmunah hian Joint Operation an nei.

Operation Team te hian mi pahnih tihdin an tum a, heng tu tih hriat loh mi pahnihte hi baklenga tlanchhiain Kolodyne lui kanin Myanmar ram lamah an tlan lut a. An ip (bag) ah lai an tlansan chhungah a hnuaia ralthuam tarlante hi lo awmin man a ni a, anmahni erawh chu man hman an ni ta lo a ni.

1. Geletine : 100 nos.

2. Detonator : 100 nos.

3. AK-47 ammunition : 150 rounds

4. Wire (codex) : 10 metres

5. Battery cell : 10 nos.

A chunga tarlan ralthuamte khi Siaha PS ah nizan dar 10:15 vel khan Joint Operation Team te hian thlen tawh a ni. Siaha PS Case No.69/2023 dt.8.10.23 us 25(1)(A) Arms Act r/w Sec.5 ES Act ziah luh niin a tul anga hma laka chhui chhunzawm mek a ni.