ZALEN September 23, 2024 : Kolasib District Land Owner’s Association Joint Action Committee te huaihawtin September 25, 2024 (Nilaini) Zing Dar 06:00 Am atanga thu leh awm hma chu, NH 06 & 306 Silchar – Aizawl Road dan (Block) a ni dawn a, Tualchhung Maxicab service te erawh dan tur zingah an tel lo.

Land Owner’s Association Joint Action Committee, Kolasib district chuan kawng dan avanga harsatna an tawh loh nan mipuite an hriattir lawk a, Road block hian heng a hnuaia mite hi a huam dawn lo.

1. Fire & Emergency Service

2. Medical Duty

3. Magistrate Duty

4. Police & Force

5. School Naupang hruai Bus/ Lirthei

6. Damlo phur lirthei engchi pawh

7. Tui sem

8. Bawnghnute sem

9. Two & Three Wheelers

10. Mizoram chhung Maxicab Service (Inter-State Maxicab Service tel lovin)

11. Silchar lam pana lirthei ruak chhuk thla (hei hian Dt. 25th Sept 2024 zanlai Dar 12:00 pm thleng a huam ang; hemi hnu lam a mi chu chhuah an ni lovang)

Tul bik thil (Special Case) ah chuan JAC te rem tihna lak a ngai ang dawn a ni.

Land Owners te chuan an harsatna tawh, hun rei tak chhung chin fel loha a awm vanga lungawi lohna lantir tur leh an dikna chanvo humhalh nana Road Block an neih tur hi Zoram

mipuite hriatthiamna an ngen a, an harsatnate hriatpuia, mipuite thlawp tlat turin an sawm a ni.