ZALEN October 22: Interstate Marketing Co-Operational Service (IMCS) Society, Mizoram te chuan Mizoram Sawrkar PWD ten Mizoram chhunga thil la awm ngai lo Inkalpawhna kawngpui pawimawh zual siam nan Lungchang tha hman tumna a kalpui chu thil lawmawm tak a ni, an ti.

IMCS chuan "Lungchang tha" hming an hman tumna leh an lakna tura an sawi "Cachar Silchar" an ti erawh hi chu ngaihtuah chian a tul hle, an ti a. Silchar Vaiho ten "Lungchang tha" an tih fo leh an lak tumna hmun hming "Jatingga" an ti ngawt zel a. Mizoram Lung ai chuan a tha ngei a. Mahse, Meghalaya Lungchang Original Hard Rocks hi chu a tluk lo hle, an ti.

IMCS chuan Meghalaya Lungchang tha law law hi Mizoram PWD hian la lut zawk se, Meghalaya Jaintia Hill Lungchang tha, Origin Solid Natural Hard Rocks hi IMCS chuan Mizoram-ah an Deliver reng theih thu an sawi.

Mizoram Sawrkar PWD hian Lungchang tha leh kum tam tak daih tur law law Meghalaya Hard Rocks dik tak hi hmang ngei se. Silchar Lungchang sawi ve ringawt hi chu inchhirna zakhua a thui leh an hlauhthawn thu an sawi bawk.