ZALEN Sept. 29, 2024; Silchar Branch YMA-ten member khawvel huapa mi hmingṭha chawimawina hun hmang.

Nimin 28/09/2024 (Inrinni) dar 3PM khan Mizoram House Silchar-ah, Silchar Branch YMA te chuan tunhnaia Elsevier leh Stanford University, USA ten World Top 2% Scientist 2024, Khawvela Scientist mi hmingṭha zual an tarlan zinga Mizo lang awm chhun Dr Samuel Lalṭhazuala Rokhum Associate Professor NIT Silchar leh Society for Pharmaceutical Education (SPER), India leh Thai Industrial Pharmacist Association, Thailand ten Young Scientist 2019 (Pharmaceutical Science) an hlan, Silchar Branch YMA Secretary nilai Dr Lalduhsanga Pachuau Assistant Professor Assam University te chawimawina hun Silchar Branch YMA Executive Committee buatsaihin hman a ni a. He hunah hian Mizo Student Union Jt. Head Quaters Silchar OB te an tel ve bawk a ni.

Programme hi Branch YMA President K Vanlalhriata'n a kaihruai a, hunserh Rev Lalramdinthara'n hmangin, lawmpuina leh chawimawina thilpek hlanna hun hman a ni a. Chawimawina thuziak leh thangchhuah diar pek an ni a. Chawimawina thilpek hi Rev Lalrintluanga Ngente Senior Adviser leh Lalhmingliana Deputy Resident Commissioner ten an hlan a ni.

Deputy Resident Commissioner in kalkhawmte tan zanriah a buatsaih sak chu kil ho nghal a ni.