November 6, 2023; MNF party in silence period bawhchhiatna awm chungchang a complaint an siam angin, election department in hma a la.

CEO office in an hmalakna an tarlan danin, inthlan zawh hun atanga chhiar let a darkar 48 chhung chu silence period ti a vuah a ni a, hemi hunchhung hian electronic media (social media huam telin) hrang hrangah inthlan kaihhnawih thil mipui sukthlek tidanglam thei chhuah khap a ni.

General Secretary, IT & Social Media dept. MNF gen. hqrs. atangin Zoram politics leh Mizo Special report facebook group ah 'TLAI TITI by David Sailo' tih article post chungchangah complaint an dawn thu tarlangin, Dy. CEO chuan Clr Chhangte, Aizawl hnenah a thu post paih leh nghal turin a hriattir a, a ngaipawimawh lo a nih chuan dan anga hma lak a nih tur thu a hriattir.