ZALEN, Sept. 7, 2024; Traffic police ten zan laia lirthei tlan bengchhenh an vai chhunzawm zel.

Aizawl khawpui chhung hmun hrang hrangah zan a Two wheeler chak leh bengchheng tak taka tlan ṭhinte chu Aizawl Traffic Police-te chuan tih rem tumin theih tawp a chhuah chhunzawm zel a. Nizan 06.09.2024 pawh khan hetianga Two Wheeler silencer/exhaust tih danglam leh ri bengchhengte vaiin zan lai thleng duty a ni.

Aizawl Traffic Police chuan, hetiang a silencer tih danglam hmang ṭhinten mipui harsatna an thlen ṭhin tih hria a; man kher ngai lova, dan phal ang bak silencer/exhaust hmanglo turin lirthei neitute an ngen nawn leh a ni.