ZALEN, July 28, 2026: Ex-Servicemen leh an chhungte tana Healthcare Scheme duan bik, Ex-Servicemen Contributory Health Scheme (ECHS) chuan sum chawi ngai lova (cashless) an inenkawl theih nan Synod Hospital, Durtlang nen vawiin khan Memorandum of Agreement (MoA) an ziak.

Memorandum-ah hian ECHS member damlote chu Synod Hospital-ah sum chawi ngai lovin an inenkawl thei ang a. hospital-a inenkawl hun chhung pawh ECHS dan angin a ṭul dan anga pawhsei theih a ni.

Mizorama awm Ex-Servicemen leh an chhungte mi 13,000 vel tan a ṭangkai hle tura beisei a ni.. Inenkawlna hmun pana phai lama an kal ṭhin te chu he Memorandum hian a chhawk zangkhai hle tura ngaih a ni bawk.

Synod Hospital hma hian Zoram Medical College & Hospital (ZMC&H) leh Mizoram State Cancer Institute (MSCI) te Memorandum of Agreement an lo ziahpui tawh bawk.