Aizawl: MNF Thalai chuan Mizoram sawrkarin SIPMIU kaltlanga Aizawl khawpui bawlhhlawh paihna Motor 50 a lei chu a touchuak nia sawiin UD&PA Minister Zodintluanga chu a inrawlh nia an hriat thu an sawi. Nimin khan Aizawl Press Club-ah thuthar lakhawmtute kawmin MNF Thalai hruaitute chuan, “Bawlhhlawh paihna motor Tata 407 LPK hring 25 leina man hi Rs. 530,75,000/- a ni a. A pawl leina man hi Dt. 16.6.2017-ah Rs.4,96,97,250.00-ah pek a ni a. 407 LPK a hring pakhat hi Rs. 21,23,000.00 a lei a ni a. A pawl pakhat hi Rs 19,87,890.00 a lei a ni a, a inthlauhna hi motor pakhatah Rs. 1,35,110/- niin a rawng (colour) avanga hetiang em ema Motor man inthlau hi a mak viau tawh laia to uchuak taka an lei thei hi Minister thu lo chuan official tan tihngam chi niin a lang lo a ni,” an ti. MNYF hruaitute chuan Tata 407 LPK te chu Rs. 9,80,000.00 man vel nia sawiin, “SIPMIU hian Tipper body pangngai (thir chhah ) lei tel lovin a aiah Plain Sheet pangngai hmangin a body an zawm sang thung a. An hmanraw hman en hian Motor man man to phahna tur a awm lo a, a lo to phah a nih pawhin Rs. 3,00,000.00 aia to phah thei a ni lo a. LPK 407 sawmnga an leiah ringawt hian cheng vaibelchhe 5 aia tlem lomipui sum hi khawiah nge a awm tih hi Minister kan zawt tiin chanchinbu mite an hrilh.