ZALEN July 7, 2026: Adviser to Chief Minister (Political), Lalmuanpuia Punte chuan vawiin khan Election Commission of India thupek anga Special Intensive Revision kal mekah Mizoram chhunga voters paih/belh chungchangah Political Party hrang hrang te sawmin inrawnkhawmna an nei.

Vawiina All Political Party Meet on Special Intensive Revision (SIR), 2026 chuan hetiang hian resolution an siam.

SIR 2026 Draft Roll chhuaka 2025 e-roll a chuang si, 2005 e-roll a zawmpui neilo "No linkage with last SIR" category a awm chhinchhiahna 'Sen' a awmhote hi a nihna ang taka paih vek tha an ti a. Chhinchhiahna 'Eng' a chuang, rinhlelhawm deuha lang te fimkhur leh uluk taka All NGO te nen umzui zel tha an ti bawk

SIR 2026 kal mekah hian Party tin ten lungrual taka hma lak a, inrawntawnna neih zel tha an ti a, SIR 2026 chungchanga All NGO te hmalakna pawh tha an ti a, an thlawp tlat thu resolution-ah hian tarlan a ni. 

He hun hi Lalmuanpuia Punte chuan Chairman niin a kaihruai a, Lalfakzuala Hauzel, State General Secretary, BJP ; VL Krosshnehzova, General Secretary, MNF ; TT Zothansanga, PAC Member, MPCC leh Siathuama Mangpa, PAC Member, ZPM ten hming an ziah hnan a ni.