ZALEN June 8, 2026 : Mizoram Chief Electoral Officer, Garima Gupta, IAS chuan Special Intensive Revision (SIR) 2026 kalpui mekah Enumeration Form (EF) 8,42,312 pekchhuah a nih tawh a ti a, hei hi electors awm zat atanga 96.26% a nih thu a sawi, mipuite ECINET App hmang tangkai turin a ngen bawk.

Enumeration phase hi May 30 atanga June 28, 2026 thleng tur a ni a, chhianchhiah chinah electors hi 8,75,068 an awm a, heng zingah hian mipa - 4,23,397 an awm a, hmeichhia 4,51,671 an awm bawk. Enumeration Form hi 8,42,312 semchhuah tawh a ni a, EF atanga lakkhawm/chhianchhiah tawh hi 1,67,426 a ni a, hei hi 19.13% niin Digitized hi 1,67,530 niin 19.14% a ni.

Enumeration Form lakkhawm atanga chhinchhiah tawh aia EF digitized a tam chhan hi chu CEO website leh ECINET kaltlanga online-a inziaklut an awm vang a ni. Mizoram Chief Electoral Office chuan mipuite ECINET a tam thei ang ber hmang turin an ngen a, he App hi Google Playstore leh App Store-ah te download theih a ni.

ECINET hmanga inziahluh hi a harsa lo tih ECI lam chuan an sawi a, a tam thei ang ber he App-ah hian inziaklut turin mipuite an duh. BLO te House-to-house visit hian June 28, 2026 thleng a awh dawn a, Draft Electoral Role hi July 5, 2026-ah tihchhuah a ni ang.