Aizawl: Mizoram Pollution Control Board-in boruak bawlhhlawh dan a tehnaah Sikulpuikawn, Bawng- kawn leh Dawrpui te chu AQI range-ah an sang a, hei hian thawk lama harsatna a thlen thei nia thudawn a ni. MPCB hian Mizoram hmun 11-ah boruak bawlhhlawh dan tehna hi dahin Weekly Air Quality Index a tichhuak thin a, AQI a tihchhuah hnuhnun ber Feb. 28-March 2,2017 a tehna result atangin Sikulpuiawn, Bawngkawn leh Dawrpui te chu AQI range 101-200 inkarah an awm a, Sikulpuikawn hi 105, Bawngkawn 107, Dawrpui 114 te an ni a. Hemi range hi chuap leh lung natna nei, naupang leh upa lam tan thawk ti harsa thei niin an tarlang a ni. He range dawtah hian 51 leh 100 inkarah Lengpui, Vengthlang Champhai, Project veng Kolasib te an awm a, hemi range pawh hi mi awmnem deuhte tan thawk harsatna thlen thei nia tarlan a ni a. A dang Laipuitlang, Kahrawt Champhai, Diakkawn Kolasib, Farm veng Lunglei leh Venglai Lunglei te chu 0-50 ah awmin hei hi chuan harsatna a thlen lo nia tarlan a ni.