November 13, 2023; Champhai lamah mawi takin I LOVE Champhai hawn a lo ni tawh a, Aizawl lamah pawh langsar takin I LOVE Aizawl buatsaih mek a ni.

I LOVE Aizawl tih UD&PA dept. hnuaia Aizawl Smart City Ltd. hmalakna a din mekna hmun hi, 'Smart Street' tih hming phuah a ni a, Circuit House building hlui thlang, Commerce & Industries Directorate opposite, Khatla North Presbyterian Kohhran Biak In bul a awm a ni.

Smart Street tih hming phuah, helai hmun hi kumin May ni 16, 2023 khan Dy. CM Tawnluia'n lungphum a lo phum tawh a.

Smart Street sa/din tu te hi Unique Consultancy Service niin, a project hi Aizawl Smart City hnuai a ni a, a thawhna man tur Rs. Vbc. 3.28 a ni. Mechanical Parking, Open Gym leh intihhlimna tur thil chi hrang hrang awm thei tura ruahman a ni.

Smart Street hi peihfel la ni lo mahse, tun atangin tlawhtu an awm deuh reng tawh a, I LOVE Aizawl pawhin tun atangin thlalak puitu a nei chho mek niin a lang.