Aizawl; Mizoram sorkar Information & Communication Technology Deptt. chuan thuchhuah siamin, a neitu phalna lova mobile/computer khawih chu dan kalh a nih thu leh hetiang tite hi kum 3 thleng Jail tan emaw cheng nuai 3 thleng chawitir theih an ni, a ti. Social Media-a Fake Account siam pawh danin a khap tih tarlangin, heti ang siam te chu kum 3 thleng Jail tan emaw cheng nuai 1 thleng chawitir theih an ni a. Saruak leh ruang thlalak thawndarh pawh danin a khap a, hetiang tite chu kum 3 thleng Jail tan emaw cheng nuai 5 thleng chawitir theih an ni. Danin thiamloh a chantir ni lo, mi 'a eiru', etc tia Social Media-a comment pek pawh khap a nih thu tarlang in, hetiang ti tute chu kum 3 thleng Jail tan emaw pawisa chawitir theih an ni, ICT thuchhuah chuan a ti. Hei bakah hian, Social Media-a sakhaw dang deusawh leh sawichhiat hremna pawh kum 3 thleng Jail tan emaw pawisa chawitir theih an nih thu sawiin, zahmawh rawngkai leh invauna (tualthah, pawngsual) kaihhnawih thawn darhtute chu kum 7 thleng Jail tan leh pawisa chawitira hrem theih an ni tih tarlan a ni bawk.